黑色月光｜翠如被傳有孕楊氏姊妹越幫越忙 渣男馬志威衰爆薇薇讚大暖男

台慶劇《黑色月光》28號星期一起播出，呢日總監製 鍾樹佳 同 劇中一眾演員，好似 楊茜堯 楊卓娜 仲有 黃翠如 就劇內劇外都一樣好感情，話好似多咗一個姊妹一樣，劇中翠如因故要用輪椅行動，佢仲話最困難就係呢一環喇。

楊茜堯、楊卓娜同黃翠如劇中扮演三姊妹
近日盛傳翠如疑似有喜，23號就踏入43歲嘅佢，呢日被問到呢個問題時，就第一時間將焦點轉往老公新劇播出上面，而兩位楊氏姊妹而出手接招，之但係就答出出一個所以然，卓娜好似仲越答越有可疑。
翠如被問到懷孕傳聞時，茜堯同卓娜即幫手解圍

不過就似乎越幫越令人難以信服喇

奸角 林夏薇 同渣男 馬志威 今次演出，於內地有唔錯反應，呢日佢哋就澄清一切只係角色演繹，薇薇仲大讚Edward現實係陽光大暖男，同劇中有非常大反差咁話呀。
林夏薇同馬志威嘅角色都引起討論

劇中亦有新一輩演員參與，好似 廖慧儀 梁超怡 兩位港姐級人馬，加上 林俊其 等，分別扮演楊茜堯、林夏薇同馬志威角色嘅年輕版，佢哋事前仲要狂煲幾位前輩嘅演出，學習佢哋嘅神緒同細節，而林俊其仲被誤以為係王浩信嘅後生版本，發生少少誤會，香港觀眾欣賞時就要搞清楚喇。

新劇亦有一班新生代演員參與