多圖丨重病趙露思數十片段回顧2024年 閨蜜魏笑代更新近況令人心酸

26歲內地人氣女星趙露思，早前於拍攝新戲期間，因為身體不適而被緊急送醫，隨後更被拍到佢癱坐於輪椅上等候治療嘅照片，令外界對佢健康狀況憂心。事後有人爆料稱趙露思係因為工作壓力而患上抑鬱及失語症，目前正接受治療。
內地人氣女星趙露思
踏入2025年，趙露思元旦凌晨時間就更新抖音，佢以57段短片，組成自己嘅2024年回顧。片中開頭嘅趙露思朝氣勃勃、蹦跳活潑；當中有佢同朋友聚餐、着古裝等待拍攝、又與好友外遊、到法國擔任奧運火炬手、帶住小狗瘋跑等片段，畀人非常愉快嘅感覺。
影片開頭都仲係好健康嘅趙露思。趙露思同狗狗愉快地跑步。
不過到影片嘅後半段，風格開始變得悲傷，場景亦轉換成醫院，佢由最初可以自己步行到醫院，到後來要以輪椅代步，之後仲有佢艱難地逐步學行嘅畫面、更要由兩位好友抱上床嘅片段等，令人不勝唏噓。
影片中段嘅背景就變成醫院。之後更要以輪椅代步。趙露思學行路。要兩位好友合力抱上床。趙露思坐輪椅度過生日。
而趙露思嘅閨蜜 魏笑 亦再喺社交平台公開好友嘅近況，因為趙露思患上失語症，令兩人即使面對面都要靠短訊交流，喺佢最新公開嘅Post，就見佢哋飯聚時，趙露思以五指緊握手中嘅叉，有如小朋友學食飯咁進食，當佢想吞嚥口中食物時亦似乎有一定困難。此短片一出即令趙露思嘅fans淚崩，紛紛於其理人公司及劇組嘅社交帳號下留言，指佢哋壓榨趙露思，又呼籲大眾抵制相關公司。
閨蜜魏笑亦PO出趙露思最新近況。閨蜜魏笑亦PO出趙露思最新近況。趙露思就好似小朋友學揸餐具咁。