趙露思虛弱入院成熱討焦點 好友發聲報平安句句有骨

26歲嘅內地花旦 趙露思 近日因為被發現身體虛弱不堪入院而成為內地娛樂圈熱話，日前有網上消息指，趙露思因為身體原因被急送醫院，整個人攤軟於輪椅上。事後曝光後即成為討論焦點，而佢嘅社交平台更關閉，令外界更對趙露思嘅病情懷疑。

趙露思日前被發現入院，引發內地狂熱討論

內媒曝光嘅圖片令外界對佢嗁情況非常擔心
佢嘅工作室之後喺網上發聲明，指自加入新作《戀人》演出阮妤一角，到18號因突然感到不謂而需就診，目前正接受治療與休養中，而因應事件將暫停所有工作。而病倒前數日一個IG Post內容更疑似係表達內心不滿。

入院前數日發佈嘅IG Post依然笑容滿面
不過其中一張附圖就似意有所指

事後各界議論滿天飛，更有指趙露思患上嚴重抑鬱同神經系統疾病等問題，不過至星期六晚，同佢入屬好友嘅女演員 魏笑 ，就代主角出Post向各界報平安。魏笑指呢次自己受好友委託，希望大家可以放心。
好友出Post代佢向外界報平安，似乎已大有進展

佢轉述趙露思指，自11月初生日開始，已經覺得唔太舒服，之後加入新作劇組直到18號病發。目前已「慢慢能說話」，亦已經開始度復訓練，正積極配合接受治療。不過病因與「真相」，佢就指唔應該代為公開，亦唔應該由主角趙露思自揭瘡疤，而「希望有人會負責同解釋」。
但係文字內容就似意有所指，認為有人需為事件負責

觀乎魏笑所指，「報平安」之言當中似乎尚有內情，亦句句有骨。不過相片可見，趙露思似乎已經能集中精神閱讀，亦由朋友陪伴下齊齊玩手機。

似乎事件仲要一段時間先會落幕