浪花男子1月首訪香港開騷 成員期待遊覽嘆各式美食

7位美男組成嘅J-POP男團 浪花男子  (Naniwa Danshi)宣佈，明年初會來港於亞洲國際博覽館舉行兩場演出。 

日本男團浪花男子明年1月將來港舉辦兩場演出

由 藤原丈一郎 道枝駿佑 大橋和也 大西流星 西畑大吾 長尾謙杜 同 高橋恭平 組成嘅浪花男子2021年憑《初心LOVE》魅力出道。成員們以深厚嘅關西背景，加上源自大阪古稱「浪花」成軍，加上佢哋嘅帥氣外表同精彩表演，令早前由橫濱開始，喺日本9個城市嘅42場演出全部售罄，估計入場人數仲高達43萬4千人。

藤原丈一郎

道枝駿佑

大橋和也
浪花男子嘅魅力亦吸引亞洲其他國家、地區唔少Fans愛戴。今次衝出日本展開亞洲巡迴演唱，先後喺台北、首爾同香港三地舉行演出，香港站定於1月25同26日舉行，門票下星期一起開始網上預售。而未曾到訪過香港嘅成員，就希望Fans可以喺vv8網上留言介紹好食好玩推薦。
大西流星

西畑大吾

藤原就提到希望來港時拍片，介紹各式美食。不過當得知坐來港航程要花4、5小時就嚇一跳。大橋更以隊長身份對香港的Fans話：「雖然成員都沒去過香港，但大家都很期待香港的美食、美景……和見到大家（笑），希望大家多多支持！」

長尾謙杜

高橋恭平