林明禎代言手工啤酒貼身打扮騷身材 愛飲兩杯放鬆辣妹自言「未醉過」

大馬女神 林明禎 經過一輪休息之後，早前先推出新歌再戰樂壇，緋聞纏身嘅佢呢日又以招牌腰果眼加一身貼身裙盡顯身材，以代言人身份出席酒精飲品活動。

林明禎以代言人身份出席酒精飲品活動
明禎喺活動大讚將麵包同咖啡渣釀製成手工啤酒意念創新，來自天氣長期炎熱大馬嘅佢仲話，非常享受飲啤酒令自己清涼爽快嘅感覺，又直言自己酒量唔錯「未醉過」。
平時都會飲兩杯嘅佢，仲話自己從未醉過

佢又指平日同親友聚會都會淺酌：「我成家人媽咪、細佬都好鍾意飲酒，我都好飲得，從來都未醉過。平日與朋友都會喝，我覺得飲酒是氣氛，我見到朋友隔日宿醉好辛苦，對我來說，飲酒是開心，所以從來不喝醉。」
佢認為飲酒係為放鬆，所以淺酌就夠喇

剛推出新歌曲《On Cloud Nine》嘅佢，仲透露稍後會挑戰廣東歌，又Hard Sell笑稱下次可以為品牌唱廣告歌：「我想再製作讓人輕鬆、快樂的歌，氣氛跟品牌真的很搭，對吧。」

近日再推出新歌嘅佢，預告將會推出廣東話作品