工藤靜香相隔31年再來港開騷 機場廣東話問好盼逛超市勁貼地

萬人迷 木村託哉 嘅歌手太太 工藤靜香 ，近年專注照顧兩位千金心美同光希，當年貴為天后級歌手嘅佢，隨住兩女長大成人，亦不時會出席唔同活動，呢日佢就為相隔31年再踏香港舞台來港，不過於機場時就因為受訪問題，一度引起小混亂。

工藤靜香今晚將事隔31年再於香港演出
今次以個人身份再次訪港，佢就一早練習定廣東話同大家問好，仲即場反問傳媒朋友，自己如果想為港迷唱廣東歌，應該唱邊首合適。佢仲話希望一探一般港人生活都會去嘅地方，好似去超市了解物價咁，非常接地氣。

呢日佢接受簡短訪問，稱希望有機會為歌迷唱廣東歌同貼地遊覽