黃智賢首參與沙漠之旅尋回熱血精神 事前搜集資料及防曬準備：不枉此生

剛度過57歲生日嘅黃智賢（Ben） 早前以活動大使身份，參與慈善沙漠行，佢有工作在身，未有完成5日沙漠行程，喺銀川騰格里沙漠只參與行咗一站即一日行程，而其他人就完成全程約66公里嘅沙漠行，日前該活動舉行發佈會，阿Ben因返內地開工未能出席，阿Ben仍希望分享今次感受。

黃智賢早前以活動大使身份參與慈善沙漠行，因有工作在身，未有完成5日沙漠行程。
阿Ben年輕嗰陣好嚮往去沙漠，因為沙漠畀到佢一種神祕感覺，但而家年紀大咗，阿Ben事前都擔心能力可唔可以應付，首先搵過資料，又揀白色長袖衫褲防曬作足夠準備：「知道10月天氣唔差、唔太熱，畢竟沙漠係冇遮擋陽光嘅地方，果然下午就陽光充沛，因為之後要開工又不可以曬燶就做好防曬，最後曬黑咗唔少。」

黃智賢喺銀川騰格里沙漠只參與行咗一站即一日行程。
阿Ben透露因為要開工，只參與行咗一站即一日行程，對佢嚟講真係幾大考驗同挑戰 ，原來阿Ben腳骨力唔差，挑戰行大斜坡卻消耗唔少氣力：「拍咗一條片做紀錄，其中要上一條好斜嘅大斜坡，啲沙又好鬆，踩落去好似吸住雙腳，消耗唔少氣力，走完呢段路腳仔軟，但又好快又下坡，而下坡果段路好開心，索性坐喺地上滑落去，今次喺沙漠上坡下坡路程，睇到浩瀚沙漠，好震撼嘅畫面，既興奮亦好滿足，好似回到年輕嗰種熱血，似一班學生去大旅行，我可以用『不枉此行』四個字去形容。」阿Ben又指今次行程好有義意義，更呼籲大眾繼續捐款。

阿Ben腳骨力唔差，挑戰行大斜坡卻消耗唔少氣力。黃智賢睇到浩瀚沙漠，好震撼嘅畫面，既興奮亦好滿足，好似回到年輕嗰種熱血。