黃依汶與陳國坤結婚10周年紀念 帶陳真重遊片場曬婚照放閃

黃依汶 （Emme）同陳國坤（小龍）至今相識相愛16年，育有現年8歲囝囝陳真。Emme同小龍2014年10月25號喺峇里島完婚，當時並冇特別拍攝婚照，適逢10月25號係夫妻結婚10周年紀念日，Emme公開一輯喺上海片場拍攝嘅甜蜜婚照放閃。

適逢10月25號係夫妻結婚10周年紀念日，Emme公開一輯喺上海片場拍攝嘅甜蜜婚照放閃。
雖然背景襯托出一種懷舊感，但成為人母嘅Emme身材依然惹火，見佢穿谷胸婚紗大騷長腿、又坐喺電單車後座攬住老公、夫妻更難掩恩愛之情咀嘴，兩人流露浪漫溫馨感覺，兒子陳真唔輸蝕，穿禮服一齊拍攝，擺出唔同甫士配合，一家三口型格登場。

Emme坐喺電單車後座攬住老公。
Emme喺社交平台寫上10年婚姻，要能經得起風亦要抵得住平淡，好好相愛16年，大家有功有勞，感謝陳生支持與配合，繼續合作愉快Love you，並透露喺10年冇正式影輯婚紗相，趁著10週年，帶上陳真好好嘅紀念一下，考慮一段時間，最終回去你熟悉地方。

Emme大騷長腿，拖住老公向前行。
Emme更Tag上海車墩片場、斧頭幫、相識喺片場、擁抱每個階段、十年前後等字眼，不經意披露咗兩人相識嘅最初，而呢輯婚照就係於片場拍攝，兩人10年前後依舊不變，就多咗個寶貝仔陳真組織咗幸福家庭。

夫妻更難掩恩愛之情咀嘴，Emme同小龍流露浪漫溫馨感覺。陳國坤當年拍《功夫》飾演斧頭幫大佬於內地走紅。黃依汶同陳國坤至今相識相愛16年，育有現年8歲囝囝陳真。