大S平安夜激罕露面狀態好 獲網民讚駐顏有術許願求復出

大S (徐熙媛)近年鮮少喺公眾露面，大家多數都只可以喺佢老公具俊曄同埋妹妹小S(徐熙娣)口中聽到佢嘅近況。而喺平安夜小S喺社交平台就曬出同家人慶祝聖誕節嘅相，唔只喺美國留學嘅大女Elly返咗台灣，就連大S都有孖住具俊曄同框放閃！

近年甚為低調嘅大S，平安夜同兩姊妹、媽媽同老公具俊曄一齊度過
小S撰文分享同家人相聚嘅喜悅：「跟家人在一起就是開心，好啦，這種氣氛，能不小酌一下嗎，祝大家都平安健康。」喺相中可見，大、小S攬住徐媽媽，而大家姐就喺旁邊開心做出Yeah手勢，女婿具俊曄就負責揸機自拍，畫面相當溫馨之餘亦可見大S保養得宜，繼續做凍齡美魔女，狀態非常好！所以都有唔少網民留言大讚已經48歲嘅大S靚到發光、又形容佢完全「回春了」，並且許願希望大S可以復出再回到幕前。

小S於社交平台貼出一家人齊整慶祝嘅相片

早前已到美國升學嘅小S大Elly亦已返台灣度假