袁偉豪一家見聖誕老人童心大發 鍾嘉欣全家出埠溫暖慶佳節

一到年底，再加上聖誕節係全年最後一個節日，唔少人都會選擇外遊，或者同家人、好友共聚。而 袁偉豪 同 張寶兒 呢對有仔萬事足嘅父母，就把握住節日氣氛，帶囝囝袁咕碌周圍遊玩，一家三口喺聖誕樹下影全家福之餘，阿Ben同Bowie仲帶咗袁咕碌去搵聖誕老人，精靈嘅袁咕碌坐喺聖誕老人懷中，而阿Ben同Bowie亦童心大發，興奮對鏡頭做出Yeah手勢，淨係睇相都感受到佢地一家三口嘅溫馨同幸福。 

阿Ben同Bowie帶袁咕碌首次慶祝聖誕節

感性嘅阿Ben喺社交平台分享連串聖誕家庭照之餘，亦撰文分享心情：「12月的記錄，1歲的聖誕節。祝大家聖誕快樂，Merry Christmas  #好好建立我們的生活。」 

又去搵聖誕老人合照

另一邊廂，同樣有幸福之家嘅 鍾嘉欣 就選擇同家人外遊，到布吉島過一個陽光與海灘嘅聖誕節。嘉欣喺社交平台分享多張家庭照，又寫：「We are having a wonderful holiday in Phuket. Merry Christmas Eve to you all! We love you.（我們在布吉島度過美好的假期。 祝大家平安夜快樂! 我們愛你。)」
鍾嘉欣就帶住子女到布吉享受陽光與海灘

嘉欣同老公相擁嘅合照溫馨甜蜜，而佢喺佢同三個小朋友嘅合照可見，兩個囡囡嘅輪廓都同爸爸好似餅印一樣，而嘉欣嘅囝囝就同媽咪好似樣，非常秀氣。著粉色背心嘅嘉欣身材仍然fit到漏，一啲都唔似生過3個小朋友！

同老公恩愛合照非常甜蜜