廉政行動2024｜陳山聰炎夏拍追捕戲戰勝熱度 徐榮天橋邊懸吊半空毫不膽怯

一連五集嘅台慶劇《廉政行動2024》話咁快就嚟到最後一集，陳山聰率領鄭俊弘等人追捕徐榮，又要喪跑，又要半身攀爬出天橋邊，捉住將近跌落橋嘅徐榮，場面刺激又緊張，拍攝呢場戲時正正係炎夏，山聰一身斯文西裝Look加馬甲上陣，見佢企喺戶外幾乎全身濕透，難怪山聰話動作戲對佢來講冇難度，反而面對天氣係最大考驗，更笑言自己唔後生，太熱真係會頂唔順，幸好最終都順利完成拍攝。

陳山聰拍到成日濕晒。陳山聰要救吊咗咩天橋半空嘅徐榮。

而被追捕嘅徐榮就親身吊威也上陣搏到盡，即使懸吊半空佢都全冇膽怯，仲覺得有種似曾相識嘅感覺，因為十年前經常會拍古裝吊威也，拍攝吊足一日都幾辛苦，今次相隔十年再上陣，比起以前感覺舒服得多，加上武術指導度俾佢嘅動作唔算難度高，又可以拍出佢動態一面，所以都幾享受。
徐榮話自己已經有好多年冇吊威也。徐榮指而家吊威也比以前舒服多。