StarTalk丨謝君豪戲中真摑魏浚笙唔留手 笑稱最難係發力冇得講粗口！

謝君豪及魏浚笙有份演出新片《焚城》，以香港為背景嘅災難片，戲中有大量救災同爆破場面，佢哋現身TVB娛樂新聞台節目《StarTalk》，與主播 王鎮泉 分享佢哋為角色嘅事前準備，開拍前眾演員更接受消防訓練，建立團隊精神。
魏浚笙及謝君豪為新片《焚城》接受專訪。

二人於戲中飾演消防員。
謝君豪同魏浚笙喺新戲飾演消防員，事前佢哋先聯誼一下，燒吓嘢食、打吓排球，跟住接受正式訓練，為咗更加有逼真感，拍攝現場有專業消防同救護員待命，一來怕演員們受傷，二來要糾正一啲動作。
魏浚笙訪問時突然自摑。魏浚笙訪問時突然自摑。
魏浚笙坦言條喉都好重，要托住行都唔惹少，佢喺片場著黃金戰衣跑步嗰陣，仲不慎扭傷腳，真係幾牙煙！魏浚笙話最難忘係20層高樓吊繩索嘅經歷，有擔心萬一條繩會斷；謝君豪喺戲中有一場要掌摑魏浚笙，直言要用真力打落去，完全冇留力，皆因一打完，魏浚笙就要畀反應，而謝君豪笑稱最難係打嗰陣唔可以講粗口，呢個好難控制，但係整個感覺拍出嚟幾好。