善心滿載仁愛堂｜主持人拜神求節目順利 森美Mayanne妙論回應新聞

籌款節目《善心滿載仁愛堂》今晚舉行，台前幕後工作人員中午率先參加科神儀式，祈求節目順利進行。而 森美 同 麥美恩 近日分別因為遊日酒店問題同評論《東張》情騙個案嘅言論齊齊引起熱議，呢日佢哋就直接回應喇。

阿姐汪明荃亦係今晚節目主持之一

森美同Mayanne於現場打成一片
森美就妙指自已係「森張西望」，以身測試被overbooked嘅經驗，希望食住《東張》高收視同討論度，而Mayanne就笑指佢係為拉高自己嘅電台節目收聽率，搏加人工咁話。至於 梁思浩 曾指森美係為11月舉行嘅聽眾調查而出招，佢就指曾向公司查詢，發現呢個意見調查已經停辦多年喇。
佢哋亦分別回應近日有關佢哋嘅熱議話題

至於近來網上不時發表意見嘅Mayanne，就因為言論牽涉《東張西望》同《呃錢》兩個節目惹嚟議論，呢日佢就指自己係忠實Fans，唔止會繼續發表意見，仲已經向節目監製解釋咁話。

《善心滿載仁愛堂》今晚 20:00 翡翠台