星光路上足本版丨《企業強人》超班演技獲獎呼聲高 姜大衞對獎項隨緣

姜大衞（John哥）接受TVB娛樂新聞台節目 《星光路上》 潘盈慧 專訪，談及自己係童年出身，初初根本唔知咩叫做戲。其中一段時間John哥曾擔任過武師，喺劉家良，唐佳師傅教導下從中學識好多電影武術。

John哥入行多年，初時曾任武師同扮演大俠
而後來演大俠時，John哥開始接觸感情戲份，直到拍完李翰祥導演嘅《傾國傾城》，John哥雖然難得唔駛拍打戲，但就特別考演技，呢部戲後，John哥開始識得設計角色。

從影多年，任何角色John哥都可以從容駕馭

當年《再見亦是老婆》同周嘉玲成為經典
加入TVB後， John哥嘗試挑戰演時裝劇，除咗《再見亦是老婆》令觀眾印象深刻之外，喺《逆緣》中， John哥亦將廢佬縮骨角色演繹得淋漓盡致 ，而John哥喺最近嘅作品《企業強人》入面一樣有超水準發揮，至於可唔可問鼎獎項？John哥就話唔係好重要，反而佢想得到觀眾嘅認同，所以攞獎與否一切隨緣。

近年嘅《逆緣》成功演繹縮骨衰格角色

剛播畢嘅《企業強人》老奸巨滑