郭富城攜妻現身馬場被拒入VIP區？ 馬迷爭相除褸助天王解圍

天王郭富城熱愛賽馬運動，更成為馬主培養愛駒出賽，其愛駒「舞林密碼」唔只一次勝出賽事，為阿城贏得獎金及拉頭馬，日前阿城帶愛妻方媛、經理人小美及好友Sunny Wong等一齊現身馬場，支持愛駒「舞林密碼」出賽，阿城貴為馬場常客，卻因一個原因被拒入馬場VIP區！？

阿城貴為馬場常客，卻因一個原因被拒入馬場VIP區！？
阿城當日身穿Polo嘅T恤，當佢準備入VIP區，被工作人員拒進場，原因係阿城冇著西裝，見阿城被拒入場一刻，仍有禮貌地淡定喺一邊等候，而好友Sunny Wong亦立即除西裝褸，想遞畀阿城，身邊其他在場馬迷亦爭相除褸，後來城城亦順利進入VIP區，未有身穿西裝褸。

網民大讚阿城保養得宜，似足三十、四十歲嘅Fit爆身形。
不少網民見到阿城身穿簡單嘅Polo T恤，繑住手同兩名外籍友人傾偈，型格十足！網民大讚阿城保養得宜，似足三十幾、四十歲嘅Fit爆身形，完全唔似真實年齡59歲！