萬聖節變裝鬥可怕嚇走世道惡鬼 超蓮變可愛垃圾展鵬殭屍型到爆

每年一度周街群魔亂舞嘅日子又嚟喇，臨近萬聖節唔少人都會扮鬼扮馬融入其中放鬆放肆一下，相傳此舉係為要將惡鬼嚇退，市面亦有大量唔同活動舉行，等大家嚇鬼之餘亦主動被嚇，吸引唔少年青人放低日常緊繃生活齊齊參加玩返晚。

年度最猛一夜聽晚就係，大家出門小心被嚇或者嚇親人呀
日前何家千金 何超蓮 就同好友率先變裝，齊齊變身一袋二袋黑色巨形垃圾，令平時令人避之則吉嘅污穢廢物都變得特別可愛。
超蓮以巨型垃圾袋輕鬆就完成變裝

而演繹角色無數嘅 陳展鵬 ，今年就趁呢個機會一嘗心願，化身型到裂嘅吸血殭屍，仲話當年非常流行嘅殭屍片令自己趨之若鶩，可惜一直未有機會參加演出，仲話細個已經好想吸人血，認真可怕，比較可惜就係未見到太太Phoebe同乖女小豬比一齊打扮出現喇。

煎Pan就圓心願變身做吸血殭屍喇