巾幗梟雄之懸崖｜主要演員齊赴北京宣傳 祥哥再參演全因新劇故事

台慶劇《巾幗梟雄之懸崖》唔止於翡翠台播映，於內地網絡平台亦同樣非常受歡迎， 黎耀祥 胡定欣 蕭正楠 羅天宇 同 陳曉華 呢日就飛到北京宣傳，仲同Fans齊齊玩遊戲之餘，仲為大家獻唱劇集插曲《紅蝴蝶》。

幾位《巾幗》演員飛到北京為劇集宣傳

祥哥同定欣再次開金口獻唱
再一次參與《巾幗》演出嘅祥哥，仲話今次故事比過往更豐富，更加入懸疑元素，仲解開阿蕭一人分飾三角嘅「原因」，非常搞笑。而七爺同十七之間嘅交纏關係，亦係令大家追劇嘅重點，不過定欣呢日就指自己同角色性格完全唔一樣喇。
蕭正楠呢日仲現場示範三個角色嘅演繹分別

操肌之餘仲要一人分演三角嘅蕭公子，事前做足唔少功課，等大家感受到佢演唔同角色嘅分別，仲認為自己就係七爺同柴十七嘅月老，仿佛青是搞非就係為佢哋牽紅線一樣。

大批當地Fans到場支持