梁朝偉率評審團會見傳媒讚影展發展全面 杜Sir跟偉仔搵食盼發掘新晉導演

今年為東京國際電影節評審主席嘅影帝 梁朝偉 ，日前以靚仔西裝行完紅地氈同出席開幕禮之後，呢日再同其他評審團成員好似 導演杜棋峯 橋本愛 等一齊同傳媒見面。

梁朝偉率領評審團成員一齊會見記者
去年已經為影展擔任大師班活動嘅偉仔，仲謙稱擔心自己能力不足。自言自細已沉醉於電影世界嘅偉仔，仲指每星期都會有4、5日入戲院，不過就咁欣賞同要評審就完全係兩回事喇。

今年入圍競賽單元嘅作品當中，其中有劉青雲演出嘅《爸爸》，又有林嘉欣演出嘅《女兒的女兒》，偉仔就會同其他評審團成員選出最佳電影、最佳導演，仲有影帝、影后等獎項。而偉仔就認為影展嘅推選作品同影人都非常全面，了解非常透徹，難怪今屆會獲委任為主席評審喇。
林嘉欣參演嘅《女兒的女兒》入選競賽單元

劉青雲嘅《爸爸》同樣有份入圍

而曾執導唔少知名港產電影嘅杜Sir，就話今次可以跟住偉仔周圍食好嘢，又有大量好戲可以欣賞，可以話係雙重享受，仲希望發掘更多新導演合作咁話。

杜棋峯就指偉仔介紹唔少美食，又希望可以發掘新晉導演