前港台DJ拿拿淋於台灣辦同性婚禮 鄧麗欣唐詩詠出席祝賀好友

藝名拿拿淋嘅前港台DJ 李慧娜Vera ，喺10月30號同女友Madelyn Ko於台灣舉行婚禮，佢嘅多年好友鄧麗欣Stephy 、 唐詩詠等都有飛到當地出席，而好友區文詩則因為不可抗力嘅因素而未能出席，只好以視像向一對新人送上祝福。

Stephy同唐詩詠一齊到台灣出席好友婚禮。拿拿淋與女友Madelyn Ko於台灣舉行婚禮。

Stephy將當晚婚宴嘅相post到社交平台，並喺帖文中表示：「從第一天聽到這個人說『只會辦一個很簡單的婚禮』我就沒有相信過😌因為從她的專業，細密的心思，以至從不吝惜對身邊人滿滿的愛，一切一切就造就了我昨天看到的那個夢幻婚禮。不簡單，卻又很簡單，因為愛，本來就很簡單♥️祝福你們永遠幸福快樂🥰」。
Stephy於IG post出當晚婚禮照。

當會場播出一對新人嘅「成長片段」時，大部分相片入面，都有Stephy、唐詩詠及區文詩嘅身影，難怪Stephy拍片時，佢身邊有一把疑似係唐詩詠嘅女聲講：「我就嚟喊喇！」

Stephy與好友拿拿淋。現場佈置了不少新人嘅婚照。