與李亞男將邁向結婚十周年 王祖藍分享婚姻保鮮秘訣

王祖藍 李亞男 呢日夫妻檔出席汽車活動，下年就係佢哋結婚10周年，祖藍話已經開始秘密製作驚喜，咁識得氹太太開心，難怪佢哋結婚多年都咁甜蜜啦。祖藍話雖然而家有兩個女，但都會抽時間同亞男二人世界，重拾保鮮嘅感覺，亞男都大表贊成呀！

祖藍呢日同亞男夫妻檔參與活動

轉眼明年已經係佢哋結婚10周年
一向熱愛畫畫嘅亞男，正計劃喺香港舉行藝術展，亞男話大女都遺傳咗自己嘅畫畫天份，好有創意。講到《聲生不息港樂季2》即將展開，祖藍話知道身邊唔少歌手藝人參加，所以佢都好期待，不過佢就話今次唔會做主持，用返觀眾嘅身份支持大家呀！

亞男仲指囡囡似乎遺傳到自己嘅藝術天份