陳松伶14年婚姻用心栽培冇悶場 曾擔心夫家對生育顧慮成交往障礙

53歲陳松伶與45歲張鐸今年邁向結婚14周年，日前佢哋作客資深傳媒人汪曼玲嘅網上頻道，談及二人14年來嘅婚姻之路，松松當年同張鐸拍《血未冷》曾覺得對方外表睇落比自己年紀大，後嚟知道張鐸係1979年出世，松松一度因對方年紀而卻步，老公卻用行動去表示愛意，後嚟佢哋懶理外界眼光，決定彼此長相廝守，松松亦曾對生育有顧慮。

53歲陳松伶與45歲張鐸今年邁向結婚14周年，日前佢哋作客資深傳媒人汪曼玲嘅網上頻道。
松松坦言自己本身並非一個成熟嘅人，曾覺得年紀大嘅伴侶比較適合，後嚟佢遇到張鐸，衝破年齡嘅心理障礙，即使外界不看好、旁人指指點點，佢哋都決定喺埋一齊，用咗三年時間去磨合，皆因二人生活文化同習慣不同，要慢慢融入另一半嘅生活。

松松坦言自己本身並非一個成熟嘅人，曾覺得年紀大嘅伴侶比較適合，直至遇上張鐸。
張鐸特別難忘老婆直接敲門見自己嘅父母，當年張鐸父母去探班，嗰日張鐸要返工，松松主動去張父張母房間自我介紹，張鐸覺得老婆性格開朗，自己亦毫不在乎外界嘅反對聲音。
松松明白老公父母一開始係有所顧慮，擔心生育嘅問題，而松松亦有解釋畀佢哋聽。當年二人啱啱結婚階，當時38歲松松已係高齡產婦年紀，張鐸直言對生育問題冇要求，自己都冇所謂，松松稱好幸運整個家庭都開放同包容度大。

張鐸特別難忘老婆直接敲門見自己嘅父母，當年張鐸父母去探班，嗰日張鐸要返工，松松主動去張父張母房間自我介紹。
松松同張鐸多年嚟維繫二人感情嘅方法就係互相學習同欣賞，佢哋每一日基本上維繫嘅感情都會搵到發光點，慶幸自己有一個好伴侶，二人結婚14年，松松指婚姻生活仍然好愉快，喺生活上享受愛情、親情及友情，好用心去栽培呢段關係，所以冇悶場同厭倦感。

松松同張鐸多年嚟維繫二人感情嘅方法就係互相學習同欣賞，佢哋每一日基本上維繫嘅感情都會搵到發光點。