TVB節目巡禮丨過百藝員推介劇集節目 王牌綜藝接力強勢登場

TVB踏入57周年台慶，一直致力為廣大觀眾提供多元化精彩節目，台前幕後秉承「同一家人 與你同行」嘅精神，繼續用心炮製嶄新王牌節目。超過130位藝員盛裝現身電視城出席《TVB同行創新節目巡禮2025》，為客戶同傳媒推介來年精采節目，包括15部王牌劇集強勢出擊，好似《金式森林》、《刑偵12》、《巨塔之后》、《臥底嬌娃》同《新聞女王2》等。

「同一家人 與你同行」《TVB同行創新節目巡禮2025》
同時參演《巨塔之后》、《非份之罪》嘅陳煒同劉佩玥話兩套劇係完全唔同嘅劇種。另外有份參演《刑偵12》嘅陳法蓉，以及有份演出《死有對證》嘅陳曉華同馬貫東都率先透露劇中點滴。

《巨塔之后》
《刑偵12》
王牌綜藝節目同樣陣容強勁，當中包括《戰場上》、《與天地對話》、《江湖見》、《養生之旅》、《弦動校園》、《唱到世界那邊端》、《酒鬼地圖》、《帶阿姐看世界》、《透視心靈的森美測驗》及《分手旅行團》等。洪永城講到主持嘅《養生之旅》同觀眾分享唔同地方嘅養生方法，令觀眾掌握點樣令身體健康。

《新聞女王2》
《金式森林》

早前為《與天地對話》出埠拍攝嘅蔡思貝，就話雖然拍攝過程唔容易，但係完全值得。張振朗同朱敏瀚將會主持《酒鬼地圖》，聽到節目名都估到佢哋會尋找隱世酒吧或者聚腳點，佢哋話會邀請嘉賓上節目傾偈，兩人仲即場向身邊嘅劉穎鏇講「你就係第一集嘅嘉賓」，問到朱仔邀請咗Hera做嘉賓未？佢就啞口無言。
《養生之旅》《與天地對話》
活動現場打造成一個嘉年華，亦設有攤位遊戲同打卡位，羅子溢亦樂在其中玩遊戲試運氣，點知玩一次就中獎。美食攤檔中，就有羅天宇等人親身炮製美食。全場最受歡迎部份，必定係眾藝人同大家合照互動，陳豪都話每年最開心就係喺節目巡禮盡情同大家影相留念，而譚俊彥覺得今年氣氛好熱鬧。張曦雯就話咩廣告都無任歡迎，而蕭正楠被問到有冇需要拍尿片廣告時，佢就鬼馬笑說自己無失禁。

《非份之罪》《香港探秘地圖》《死有對証》