許瑋甯演靈異犯罪驚悚片難抽離角色 感迷失方向須尋求心理諮詢

許瑋甯連續兩年奪得金鐘獎迷你劇集類最佳女主角，唔只演技好，更係人靚、心更靚，呢日佢出席公益活動，分享與病童互動嘅感受，許瑋甯近年演出嘅角色比較沉重，雖然佢演技得到肯定，背後卻承受唔少壓力。

許瑋甯冧莊再奪金鐘迷你劇視后
許瑋甯透露試過拍完《紅衣小女孩》系列，跟住接拍《目擊者》，嗰段時間抽離唔到角色，許瑋甯覺得成個人好似搵唔到方向，唔知要點樣抽離，決定接受心靈及精油療法，又試過兩次尋求心理諮詢。
不過過往佢就曾因為入戲太深而要見心理醫生

講起老公邱澤去外地拍劇冇辦法見證太太拎獎，許瑋甯指老公有第一時間透過視像恭喜，兼大讚老婆喺台上好靚；許瑋甯亦笑談自己喺台上一個摸肚動作被誤會係懷孕一事，稱呢個係美麗嘅誤會，要睇老天爺會否畀禮物！