劉德華台北站尾場淚崩台上 揚言為粉絲不言休繼續唱落去

劉德華嘅世界巡迴演唱會台北站，一連四場演出嚟到尾場，雖然今次開騷遇到颱風搗亂，令頭場演出被逼要延遲兩日，搞到華仔要喺三日內連開四場，幸好最終都可以達成任務。
劉德華世界巡迴演唱會一連四場台北站圓滿結束。劉德華台北站頭場受颱風影響。
尾場演出之前，fans們已經預告會有特別應援，當華仔唱到《仍唱我的歌》時，fans就喺台下排出「I❤️U 不只今天  I❤️U 10000年」嘅字句，令華仔忍唔住感動落淚，佢喺台上表示：「只要你們願意，我繼續唱。只要你們願意，我一直拍，只要你們願意，我永遠都會陪在你們身旁，我希望你們會看到我120歲，因為我想看到你們變老。」講完華仔喊住繼續唱埋下半首歌。
華仔畀fans嘅應擾感動到喊。