《放學ICU》監製曾廣平離世 蕭徽勇公布噩耗感激伯樂

陪伴住唔少香港人成長嘅TVB兒童節目，歷年嚟都全靠台前幕後嘅同心合力，當中節目《放學ICU》監製曾廣平更係功不可沒，有份參與節目主持嘅Gordon哥哥（蕭徽勇），11月5號喺社交平台公布曾監製離世嘅噩耗。

《放學ICU》監製曾廣平（左圖）離世。

曾監製生前亦與TVB同僚參與慈善活動。
Gordon感激曾監製呢位伯樂喺當年嘅提拔，佢寫上「還記得，第一次見面係2000年，《至Net小人類》嘅年代，當時你冇揀我入兒童組。直至2005，葱葱闖地球羅兹威博士一角令你重新召喚我加入《放學ICU》直至該節目十年後嘅最後一集。多謝你對我嘅信任，多謝你嘅教導及指引。『恭喜勝出嘅小朋友之餘同時亦要鼓勵輸咗嘅小朋友呀！』 呢句說話我記到今時今日。」

Gordon感激曾監製呢位伯樂喺當年嘅提拔。
Gordon盡現不捨伯樂之情，「人生無常！一個性格平和，不溫不火，樂天派，熱愛運動, ，健康生活嘅人竟然可以話走就走。永遠懷念你， Francis 曾廣平，我們的曾監製，RIP，一路走好」。

Gordon盡現不捨伯樂之情，讚監製性格平和，不溫不火。