卧底嬌娃｜張曦雯孖陳瀅野性學生Look登場 鍾柔美首拍劇獲邵美琪讚超班

張曦雯 陳瀅 羅毓儀 邵美琪 鍾柔美 馬貫東 等主演TVB新劇《卧底嬌娃》，經過接近三個月拍攝日前煞科，呢晚演員們齊齊著上校服現身，同台前幕後一齊食煞科飯。劇中組成女團嘅張曦雯、陳瀅、羅毓儀著上自己襯托嘅校服顯出不同風格，Kelly同陳瀅騷腰又露腿，Yuki笑指二人來自Model學校，而馬貫東只套上一條領呔，被指係壞學生Look。

《臥底嬌娃》完成拍攝，全體參與煞科宴慶祝
原來校服派對呢個主意係由Kelly提議，因為劇中佢哋組成嘅女團都有呢幕，所以希望可以成個劇組有份玩，最初擔心Maggie未必同意，點知最後Maggie嘅校服係全場最形格。
呢晚仲係全體齊齊以校服參與

早前Kelly喺家中與好友為郭晉安賀60大壽，不經意曝光其三千萬豪宅，Kelly話自己冇統計過價值，但並非傳聞所講嘅數目，只係外間傳出嚟，並叫大家唔好將焦點落在佢屋企上，當日只係《白色強人》班底仲有監製羅永賢一齊為安仔慶祝。
原來Idea係Kelly提出，佢又回應寓所嘅3千萬傳聞

Maggie多年後回巢拍劇，遇上好對手關禮傑，兩位更同新生代Yumi合作演一家人，當正Yumi女一樣，令佢有個難忘體驗，喺活動上Yumi亦係唯一一位真正學生，啱啱放學趕過嚟參與。講到首次拍劇感受，Yumi好開心可以認識到一班新朋友，特別係好似姐姐嘅Maggie，而喺拍攝過程中，Yumi要學業工作兩兼顧，令平日好鍾意瞓覺嘅佢睡眠不足，但最後都感覺好值得，更獲Maggie大讚表現良好，無論眼神各樣都完全唔似首度拍劇。

就算久未參與TVB演出嘅邵美琪亦一樣參與

馬貫東相對就比較Hea喇

呢次亦係Yumi首次正式參與劇集演出