電競女神張曦雯完劇狂打機 爆將為女團新劇拍MV錄歌

 啱啱拍攝完新劇《臥底嬌娃》嘅 張曦雯 呢日隨即現身一個電競遊戲活動，完工一身輕嘅佢，自然可以投入返喺網上世界嘅各個唔同戰場都同大家好好競賽一番，而Kelly亦都話自己抗起上嚟唔瞓覺都係閒事，以前仲成日同細佬齊齊過招打通宵呀。

Kelly完成《臥底嬌娃》拍攝後，即刻就重拾打機樂趣
拍完幾部劇冇乜時間練習嘅佢，呢日喺活動要同達哥過招，就坦言自己技巧生疏喇，Kelly仲話自己平時多數都贏男朋友，呢日估計自己勝算唔大咁話。
不過久疏戰陣嘅佢，對呢日同達哥對戰信心就麻麻喇

終於有時間休息充電嘅佢，又提到家人聖誕節期間會來港，到時可能會同媽咪去個短旅行，亦要花多啲時間陪吓男朋友補數咁話，仲透露好快就要為新劇嘅女團拍MV同錄哥喇。