詹瑞文一人舞台劇再公演 盼與觀眾共同傳遞快樂鎖匙

由詹瑞文（詹Sir）一人分飾八個角色嘅一人喜劇《即興之王》日前再度公演！詹Sir破格飾演AI機械人、精神病患者關二哥、網紅直播主、被遺棄嘅小狗等，三晚演出吸引眾多名人明星捧場，包括霍啟剛、周梁淑怡、陳淑芬、張達明、林子聰（肥仔聰）、導演郭子健等，現場氣氛熱烈。 

詹Sir一人分飾八個角色嘅一人喜劇《即興之王》日前再度公演！

嘉賓有茹國烈及霍啟剛。

張達明亦有嚟捧場。

舞台劇喺今年4月圓滿落幕後反響熱烈，詹Sir相隔七個月後推出第二回合，正係佢為實現第一回合承諾嘅一百場演出而努力不懈嘅體現，更展現出佢對即興喜劇嘅熱情同堅持。每晚詹Sir都透過抽牌方式同觀眾互動，令現場充滿驚喜。呢種互動不只增添演出氛圍，更令每晚演出展現出不一樣嘅化學反應，完美詮釋「即興」精髓，帶出獨特效果。 

舞台劇喺今年4月圓滿落幕後反響熱烈，詹Sir相隔七個月後推出第二回合。

詹Sir表示佢嘅演出有一個宗旨，就係將快樂帶畀每位觀眾，令更多人得到快樂鎖匙。正如舞台劇標語所講：「快樂自己找，開心不求人。」而詹Sir亦期待未來可以一直為大家帶嚟更多精彩演出。

每晚詹Sir都透過抽牌方式同觀眾互動，令現場充滿驚喜。