許冠文恨拍打戲恨出面 遺憾未能與甄子丹對打

由黃百鳴監製、甄子丹自導自演嘅新戲《誤判》喺內地票房大收，而喺戲中飾演法官一角嘅 許冠文 ，日前就喺香港謝票，更一日內走足8場。Michael自認係葉問Fans，所以一開始收到百鳴哥電話，知道電影係由子丹自導自演時，佢就好高興以為自己終於有機會一試拍動作戲滋味，同子丹有對打機會，所以一口答應演出。

許冠文日前現身《誤判》嘅謝票，仲笑稱以為有機會同子丹對打
點知Michael後來先發現自己嘅角色全部都係文戲，令佢不停主動要求加武打戲份，不過最後都被婉拒。呢日Michael受訪時仍然對「冇得打」感到遺憾，仲表示自己唔怕傷，希望下次有個可以打嘅角色俾佢啊！ 同樣由Michael主演嘅《破・地獄》票房節節上升，另一位男主角黃子華近日就同劉嘉玲展開58場舞台劇公演，Michael都有去捧場。作為頂級笑匠嘅Michael大讚子華演技了得，又夠大膽嘗試未試過嘅角色類型，但自己就冇咩膽同子華一樣挑戰舞台劇領域喇！

佢又提到早前欣賞子華演出嘅舞台劇，更大讚對方演技無得頂