徐若瑄年初驚患甲狀腺癌 開喉嚨手術成功自覺幸運

去年底宣布與富商老公李雲峰結束9年婚姻嘅徐若瑄，一直專注照顧現時9歲大嘅囝囝Dalton。今日(6號)有台灣傳媒驚爆徐若瑄年初定期驗身時，發現患有甲狀腺原位癌零期，更一度因仔無法接受婚姻同身體同時出事而疑惑「怎麼會是我」？

徐若瑄驚傳年初曾發現甲狀腺有癌細胞
徐若瑄喺報道公開後，同日於社交平台上載一張精神飽滿、笑容滿面嘅相片，仲寫上「我現在很好喔！」，佢指天災人禍意外係無可避免，就算逆風路上微微顛簸，每一日都要好好過生活，微笑繼續前進不留遺憾。
當時接受手術之後，Vivian已康復繼續生活

被稱為「鋼鐵V」嘅佢又講到自己一向非常養生，勤做運動又注意飲食：「特別是孩子還小，我會健健康康的陪他很久，為母則強 我哪有那麼容易被打敗。」佢又解釋自己有家族遺傳基因，所以全家都會定期驗身，好彩提早發現同接受治療，感謝所有醫療團隊照顧，佢更自言「我覺得自己很幸運」感謝上天。
亦早已重投表演工作

面對健康問題，徐若瑄覺得正面樂觀，就會有堅強勇敢嘅信念。佢透露手術位置喺喉嚨，手術後2、3個月內都唔適合演出，但聽足醫生叮嚀，再配合努力做喉嚨復健，傷口康復癒合。佢話由於喉嚨內肌肉群位置有改變，所以要花啲時間去一首一首歌練，重新搵發聲位置。經過努力，先後完成澳門、東京、花蓮及高雄等地演出，目前亦如火如荼為電影宣傳。
Vivian早年懷孕時已受盡折磨，打針打足300針

徐若瑄特別感激各界關心寫上「別擔心，我現在很好喔!我知道你們都會接住我，也謝謝所有關心的朋友，我們都要平安健康，快樂幸福。」

去年離婚後又發現身體出現問題，幸最後一一跨過低潮