中年好聲音3丨李金凱分享失去雙手後故事 最年長與最年輕參賽者將同場

本周日（10號）就會播出《中年好聲音3》香港區100強第三輪初賽，呢集有唔少洋蔥位，其中因為意外失去雙手嘅內地選手李金凱將會登場分享自己嘅勵志故事，從小就喜歡廣東歌嘅佢，呢次就揀咗校長譚詠麟嘅金曲《一生中最愛》出戰。
李金凱
母語係普通話嘅李金凱，唱起廣東歌時發音相當標準，佢就話因為自己係十幾歲時開始接觸香港音樂，當時嘅年紀係學習最快嘅時間，加上自己每日都喺度聽，所以就形成咗肌肉記憶，每當音樂一響起時就會知道點樣唱。李金凱指譚校長係自己好鍾意嘅歌手，加上佢都鍾意踢波，所以希望將來有機會可以同校長踢返場呀。
李金凱喺節目中同大家分享佢嘅故事。
喺節目入面李金凱同大家分享佢嘅勵志故事，而接受訪問時佢就話有一句說話自己喺節目中唔記得咗講，所以就趁呢個機會喺鏡頭面前同大家講喇。
任永健喺治療期間曾一度失聲。
現年40歲嘅人父任永健，之前因為患癌，喺治療期間一度失聲，經過幾年嘅重新訓練後佢終於可以唱返歌，不過呢次參賽前佢都心大心細，全靠囝囝喺背後推佢一把，呢次首戰囝囝都有嚟撐場。講到而家嘅狀況，任永健話而家講嘢時都仲有少少問題，但比起剛接受治療時就已經好好多喇。
最終係囝囝推任永健一把，令佢參加比賽。任永健嘅太太同囝囝都有嚟到現場為佢打氣。
追夢不分年齡，呢集就有全《中聲3》年紀最大嘅選手、年屆80歲嘅羅秀蘭，以及年齡剛合資格嘅馮月芊。羅秀蘭就表示家人個個都好鼓勵佢唱歌，而馮月芊就表示自己已經追咗10年音樂夢，而今次參加《中聲3》將會係佢人生一個重大嘅轉捩點呀。
羅秀蘭係《中聲3》中年紀最大嘅參賽者。
馮月芊 與 羅秀蘭。
馮月芊