中年好聲音3｜入圍選手展一對一淘汰賽 布志綸大讚感嘆60強水準高

《中年好聲音3》嘅60強已正式誕生，而今個星期播出一集，佢哋就會展開一對一淘汰賽，爭取30強席位，戰況一定非常激烈。其中多位獲5燈入圍嘅選手都會先後出戰，好似 張與辰 尤志豪 劉洋 楊炳德 胡家健 陳威 都將會上陣。

擔任嘉賓評判嘅Alan大讚一眾選手水準高
呢集擔任嘉賓評審嘅 布志綸 就大讚選手水準極高，曾任《聲夢》導師嘅佢，仲感嘆完全係另一世界，而《中聲》選手表達故事仲更有唔同層次同深度，更分享自己比燈嘅標準。

海選一開口就技驚四座嘅火鍋店老闆劉洋，此役以張學友嘅極高難度歌曲《偷心》出戰，佢仲指因為《繁花》當中曾取用呢首金曲而選唱，希望自己表現到當中嘅情緒，之前仲練過無數次喎。
歌聲澎湃嘅劉洋以學友嘅高難度歌曲出戰

而楊炳德就同樣選唱學友金曲《這麼近(那麼遠)》，佢就指一早就有做好準備喇。而身殘志不短嘅李金凱就會以《給自己的歌》出戰，佢就希望以歌曲同大家分享抱有希望嘅重要性喇。

楊炳德同樣選擇以學友嘅歌曲出戰

李金凱嘅意志同表現都大受稱許