徐克專題展揭幕盼業界香港谷底反彈 B哥哥公開演唱接連跌到之謎

上世紀8、90年代香港電影稱霸亞洲，而 徐克 同 施南生 創立嘅電影工作室今年成立40周年，近日佢哋舉辦一個專題展，仲邀請大批好友到場參與，好似 張艾嘉 鍾鎮濤 林子祥 葉蒨文 夫婦、 爾冬陞 余安安 盧冠廷 泰迪羅賓 都齊齊現身。

徐克同施南生創立嘅工作室成立轉眼40周年
已經久未於香港露面嘅徐克，發言時指希望香港電影工業同社會環境都會擺脫目前低潮，而 施南生就話，希望同40年前成立工作室時嘅抱負一樣，繼續為業界同香港做啲嘢喇。
大班電影圈好友呢日都有到場參觀專題展

呢日亦係佢哋當年創業作品嘅4K版首映，當年擔任男主角嘅B哥哥，講起苦學上海話演出，回憶起嚟都非常感觸又深刻。當中要演繹拉小提琴一段，練習足足兩星期先拍攝，就令佢非常回味喇。而早前佢於溫拿演唱會時跌倒，呢日佢就話已經康復，就話當時係乾冰效果累事喇。

B哥哥早前演唱時跌倒，呢日佢再講返事發原因