眾星赴寧波出席開光大典 龍婷與凍齡女神張敏合照

寧波香山教寺日前舉行開光祈福大典，圈中唔少善信都有出席，當中包括曾志偉、鍾鎮濤、杜德偉及龍婷等，而歌神張學友則拍片預祝香山教寺開光圓滿吉祥。

曾志偉同女兒曾寶儀一齊食齋。杜德偉、鍾鎮濤、龍婷。張學友都有拍片致賀。
擔任呢次大典主持嘅志偉，除咗同囡囡曾寶儀一齊食齋飯外，更同內地歌手婁譯心扮演嘅觀音菩薩合照。而有份喺大典上演唱《心經》嘅小龍女，亦喺社交平台表示非常榮幸可以喺大典上演唱，佢又祝願香山教寺祥耀四方、平安吉祥，除此之外小龍女更有機會同一代女神張敏合照。曾經係唔少男士夢中女神嘅張敏，雖然已經年屆56歲，但皮膚依然keep得好好，再戴埋個潮爆髮箍，風采不減當年，依然散發住清秀嘅氣質。

龍婷與張敏合照。
龍婷曾志偉 同 扮演嘅觀音菩薩嘅內地歌手婁譯心合照。