陳凱琳盼聖誕出遊熱帶地區充電 衛詩雅爆忙生日遊飛機河

11月底天氣終於開始涼，不過 陳凱琳 同準新娘 衛詩雅 呢日就依然以單薄嘅靚晚裝參與活動一個露肩一個曬腿，似乎天氣對女星嘅影響同一般人有唔少分別。近年成為炙手可熱KOL嘅Grace，拍片成績越來越好，原來更係由構思拍攝剪接都一手包辦，佢就話好似發掘到自己嘅新興趣一樣喇。

陳凱琳同衝詩雅呢日力抗涼風現身
Grace仲話大仔耳濡目染下，亦完全唔怕上鏡，仲非常留意自己嘅表情同演出呀。仲有一個月就會到聖誕假期，Grace就希望可以為家中幾位公子安排一個熱帶旅程咁話。
Grace近年專注網上發展，仲練就創作製作一手包辦神功

好快就會同未婚夫成婚嘅Michelle，因為忙住新戲宣傳，令佢連籌備婚禮都時間欠奉，更連同未婚夫見面都難呀。星期日就踏入40歲嘅佢，仲話今年希望可以喺出嫁成為人妻前，同家人一齊食飯慶祝，不過就因為工作行程緊迫比較難安排喇。
忙住宣傳《破．地獄》嘅Michelle，連生日都可能冇時間慶祝

至於另一個最為緊要嘅婚禮細節，Michelle同未婚夫就同樣因為忙爆而勁難安排時間籌備，而準人夫就以一句「船到橋頭自然直」嚟安慰佢喇。

仲話太忙連婚禮籌備都好難抽時間安排