主演電影開畫至今票房屢創佳績 衛詩雅秘密試婚紗為結婚做準備

衛詩雅 朱栢康 梁雍婷 有份主演嘅電影《破．地獄》票房成績斐然，三位演員同導演 陳茂賢 呢日現身街頭向影迷大派雪糕，慶祝新戲票房節節高升，創下史上最高香港開畫票房紀錄。電影題材獨特，仲有許冠文、黃子華兩大笑匠坐鎮，所以就連外地觀眾都慕名來港捧場，令一眾演員都好感動。

梁雍婷、衛詩雅同朱栢康呢日於鬧市向觀眾派雪糕
Michelle好開心電影有呢咁好成績，近日每朝起身同臨瞓前都會睇票房，心情好緊張，每次食飯都好似食慶功宴一樣。電影亦已於喺英國上映，梁雍婷同朱康都收到好多影評人讚好嘅消息，對整個團隊都好大鼓舞，三人都希望有機會衝出香港去上映地方謝票。
又話希望有機會到唔同上映地區親自謝票

劇組對殯儀行業嘅考究令真正嘅殯儀從業人員對佢地讚賞有加，為練破地獄而落足苦功嘅朱康同Michelle至今仍然覺得記憶猶新，尤其睇返自己演出時好多回憶湧現。
即將成婚嘅Michelle透露早前已試過心水婚紗

即將結婚嘅Michelle一邊忙宣傳新戲，一邊又要忙籌備婚禮，真係分身不暇，好彩最近終於有時間去試婚紗，佢仲透露其中一套好隆重嘅婚紗要花足一個上午去試，為咗保持神秘同驚喜，Michelle就拒絕俾未婚夫鑑識喇。