圭賢再訪台北宣佈開騷紀念出道10周年 CNBlue演出型爆鄭容和中文冧Fans

SJ成員 圭賢 早前獲委任為台灣嘅觀光代言人，又曾到當地開騷，呢日佢又再現身參與當地一個手袋活動，佢仲非常體貼咁擔心Fans冒雨支持，但係就對只係短短逗留24小時大嘆唔夠喉喇。

圭賢呢日再訪台灣，仲宣佈明年初會舉行單飛十周年音樂會
上半年曾低調到訪台北，仲識周圍搵好嘢食嘅佢，呢日仲話台灣從北到南基本上都有去過，仲大讚高雄風景怡人，希望有機會再次到訪，佢仲提到出年就係自己單飛發展嘅10周年，所以年初就會再到台北同高雄開騷，令全場Fans都非常高興。
呢日唔少Fans冒雨撐場

而韓團CNBlue呢日亦喺台北演出，事隔7年再次到當地表演嘅佢哋型爆出場，其中鄭容和仲將其中一句歌詞改為「想死你了」，令Fans聽得如痴如醉。

鄭容和同CNBlue成員同日亦喺台灣演出