《冰雨》女主角楊謹華與劉德華27年前舊照出土 偕老公追星重拾19歲青春回憶

劉德華相隔11年喺台北小巨蛋開騷日前圓滿落幕，雖然頭場遇上颱風取消，華仔翌日立刻補場安撫期待已久嘅粉絲，亦吸引眾多藝人捧場。好似27年前同華仔合作過拍MV嘅楊謹華都係席上客之一，仲帶埋老公一齊追星重拾回憶，透露小時候唯一一個排簽唱會嘅偶像就係華仔。

楊謹華27年前同華仔合作拍MV，日前佢都有去睇演唱會。
楊謹華喺社交平台Po出一張同華仔合照，華仔一身迷彩裝，雙手捉實一位頭戴畫家帽、露出大側面嘅女仔，原來佢就係楊謹華。而喺其餘片段中就見楊謹華好陶醉地跟住華仔唱歌，對偶像多年情懷不變，成個小粉絲一樣。

WhatsApp Image 2024-11-01 at 8.52.28 PM (1).jpeg
當年只有19歲嘅楊謹華其實係參與拍攝劉德華歌曲《冰雨》拍攝，仲有幸被華仔拖手，重溫呢首歌時楊謹華即忍唔住落淚，之後佢留言「終於看到了，我的青春回憶，永遠的偶像」，仲好用心將華仔同觀眾嘅對話節錄出嚟，「因為你們 我會好好的我也希望你們，會因為我，而變得更好，我希望你們會看到我120歲，因為我想看到你們變老」。

WhatsApp Image 2024-11-07 at 1.11.59 PM.jpeg
唔少網民睇到都集體回憶，有人留意到「影后都變成小粉絲」、「應該請妳上台的」、「兩位都是我們冰雨的回憶」「兩人變得更美更帥」等。