戴佩妮宣布明年重踏小巨蛋舞台 受耳石脫落影響多年仍樂觀面對

馬來西亞唱作才女 戴佩妮 宣布明年會喺小巨蛋開騷，呢次更係Penny相隔9年再度踏上小巨蛋舞台。Penny喺9年前開騷後因為唔滿意自己表現，所以情緒一度陷入低潮，近幾年自己亦好渴望可以重返呢個舞台，所以佢亦不停令自己變得強大，亦調整心態令自己對於過去嘅恐懼消失。 

Penny終於宣佈將再次踏上小巨蛋舞台開騷

除咗經歷情緒問題，Penny過去幾年亦因為耳石脫落問題而影響生活，最嚴重嘅時候連瞓覺都只可以坐喺度。Penny更因為哥哥近日亦開始有呢個問題而覺得有可能係有家族遺傳，但係佢仍然樂觀面對病痛，笑言可能係上天要佢唔好太過動，所以先令佢有呢個病。

擊退情緒同耳石問題嘅Penny呢日再展笑容