姜皓文夫妻檔炮製賀歲片 宣萱享受大馬拍戲兼嘆美食

姜皓文首度以出品人、投資人、男主角身份推出嘅賀歲片《哈哈哈新年喜戲》，日前喺馬來西亞吉隆坡舉行開鏡儀式，並宣布電影將會喺蛇年賀歲檔，喺香港以及馬來西亞同步上映！電影由黑哥身兼多職親自主理，聯同女主角宣萱、林盛斌、李璨琛、陳靜（Dada），共同打造一部集喜劇與懸疑於一身嘅賀歲電影！

眾人出席賀歲片開鏡儀式。眾人出席賀歲片開鏡儀式。
談及這部賀歲片的緣起，黑哥透露背後有著一段特別的故事：「其實《哈哈哈新年喜戲》係太太殷寧寫畀我哋結婚25週年紀念嘅禮物，本來只係個劇本，但我哋一班朋友睇過之後，都覺得幾有趣，於是大家一齊幫手，令到呢部電影成事。」在大馬擁獲大量影迷的黑哥，近年香港大馬兩邊飛，他指兩地一樣過年氣氛濃厚，大家都喜歡入場觀賞賀歲片，故決定今次自己的首部作品，撮合兩邊電影人合作：「我覺得香港演員加上馬來西亞取景製作，呢個化學作用好得意，希望有驚喜畀大家，鍾意我哋嘅賀歲片。」
 

黑哥今次身兼數職。
黑哥今次由幕前到幕後都碌爆人情卡，親自邀請唔少香港演員參演，而女主角宣萱更係第一次拍賀歲檔，收到黑哥邀請時就一口答應。宣萱是指成個拍攝過程非常開心，兼且可以享受大馬美食：「日日拍戲黑哥都萬歲，試到好多地道嘅嘢食，琴日黑哥請我食嗰啲糖餅同香港唔同嘅，今次拍得好開心，因為我好鐘意食嘢呀。」Dada早前亦喺當地拍戲，今次再嚟到大馬開工，感到特別親切：「馬來西亞啲人真係好好，佢哋好熱情，跟住好鍾意幫人，今次話晒係賀歲片，我就覺得開心嘢嚟，食得又開心啦，全程都keep住開心呀！」
 宣萱首次拍賀歲檔。
首度身兼製作人開戲，黑哥同團隊亦要面對一個前所未有嘅高難度挑戰。為趕及喺明年1月底賀歲檔上畫，電影由前期籌備到拍攝都係分秒必爭，而擔任電影編劇嘅「黑嫂」殷寧，都有喺社交平台分享感受，希望電影可以令觀眾有深切情感共鳴，有笑有淚，享受一場獨特嘅視覺同心靈盛宴。殷寧亦透露電影不只精心雕琢對白，製作方面力臻完美，當中特別動用名車拍攝場面，力求喺新年為觀眾帶來棈彩電影！
陳靜李璨琛