池昌旭化身暗黑解決師遊走黑白兩道 趙祐鎮增磅18公斤食勻江南漢堡店

韓星池昌旭嘅古裝劇播完冇耐，又有新劇推出，呢次佢再度同BIBI（金亨瑞）合作，仲有趙祐鎮同河允景等實力派助陣，幾位主演呢日一齊現身新劇發布會，池昌旭嘗試動作黑暗題材，飾演一位解決師行走於黑白兩道，喺性、吸毒同暴力方面挑戰電視劇尺度。

池昌旭喺新劇中有唔少踩界演出
BIBI則喺劇中飾演夜店王牌，與池昌旭有多場對手戲，歌手出身嘅BIBI表現再次驚艷到拍檔，獲池昌旭讚演得新鮮有趣，呈現出另一種魅力，使整個合作過程好開心。
BIBI就會扮演夜店王牌，仲同池昌旭有大量對手戲

趙祐鎮由最初演配角，到變成演技被受肯定嘅男主角，實力無庸置疑，呢次佢為角色增磅18公斤，笑言食勻江南嘅手工漢堡店，希望做到內在同外在各方面努力投入角色。

趙祐鎮為新劇增肥足足18公斤