愛．回家｜安仔朱凌凌回歸衝破2500集 龔水盼有新衝擊唔排除劇情有BB

處境喜劇《愛．回家之開心速遞》播出以來深受歡迎，劇情亦越來越多唔同發展，不知不覺原來呢部處境喜劇即將就邁向2500集，呢日劇中演員就答謝觀眾舉行記者會，又孝敬劇中嘅長輩，而「安仔」 周嘉洛 同 「朱凌凌」 吳偉豪 亦都會回歸演出呀。

《愛．回家》呢日宣傳，演員齊齊孝敬劇中長輩
襯晒色嘅兩兄弟呢日就指，今次重返《愛．回家》相信一定有新火花咁話。而大受觀眾歡迎嘅「龔水CP」 張景淳 同 呂慧儀 仲話希望劇集可以衛破3000集，甚至加入小朋友角色都有可能，但係要有BB演員就有唔少困難喇。
丹爺當然亦受到熊家子孫嘅關顧喇

早前阿蟹嘅寶貝仔 蟹籽 跟學校旅行，不過就不幸發生食物中毒事件，呢日佢就話囝囝已經康復無礙，又話作為父母一定會擔憂，只要後續處理恰當就冇問題咁話。

播出逾8年嘅《愛．回家》將邁向2500集