中年好聲音3｜五燈肥仔豪占士丁合作拍片 重現《少林足球》經典誤爆粗

《中年好聲音3》參加者 張家豪 唔止有「肥仔歌神」同「顏志恒2.0」嘅稱號，佢同來自英國嘅 Dan James 更一樣都係初登場就獲得評判五燈佳績。佢哋分別演唱《怎麼捨得你》同《李香蘭》唔止評判讚好，就連各位觀眾都一樣有Say，隨時可以去以下網址投各位五燈選手一票 中年好聲音3---投選-我最喜愛的5燈歌手 
肥仔豪同James合作拍短片，非常有趣

張家豪當日一出場就驚為天人，獲評判俾出五燈成績

講起肥仔豪同占士丁，佢哋唔止出場已經一鳴驚人，早前更加合作拍片，又齊齊重現《少林足球》嘅酒吧獻唱一幕。短片有晒故事橋段，先由占士丁去禱房搵肥仔豪請教學唱廣東歌，點知家豪就一個唔該諗起屎橋一條，同占士丁變身做星爺、黃一飛，不過「少年功夫醒」，就變咗「中年好聲音」，搞到酒客聽到噴火，仲拎埋隨身酒樽出嚟威嚇。
Dan James亦以《李香蘭》獲評判俾足五個燈

唱腔學到足，就連舞步都有特別編排，之但係占士丁嘅廣東咬字就真係有待加強喇，名名想叫肥仔豪，不過學咗幾次一心急就變成講粗口，難怪家豪都冇佢咁好氣，一面無奈喇。

短片中James一時口誤，搞，到肥仔豪非常無奈