林峯胡子彤上演兄弟對決 聯同阿正拍廣告現爆笑一面

林峯 同 胡子彤 呢對「城寨兄弟」近排接Job接到冇停手，最近先推出新歌嘅阿峯忙於籌備演唱會同電影拍攝，而子彤就要拍賀歲電影。近日佢哋就百忙之中，同啱啱開完騷嘅 黃正宜（阿正）為一個藥品拍攝廣告。 

林峯、胡子彤同阿正合作拍攝藥品廣告

今次廣告商仲落重本邀請名導演 候仲賢 執導，而片中嘅功夫設計就由金馬獎、香港金像獎最佳動作設計 黃偉亮 擔任武指。廣告片以富有香港本土情懷嘅大排檔作為拍攝背景，喺五光十色嘅霓虹招牌下，以一碗叉燒飯引發一場兄弟對決開始，當中有一幕阿峯仲會重現電影中曾經出現過嘅一招「烏龍絞柱」絕技㖭！
廣告中阿峯同子彤仲有動作場面

三位風趣演繹同極具張力嘅武打場面令廣告極具娛樂性，大家仲可以睇到阿峯呢位實力派偶像嘅另一面，而佢同子彤、阿正嘅互動更令人笑爆嘴。