小豬為慈善演唱閃現香港 胡鴻鈞參與變魔術感覺神奇

「亞洲舞王」 羅志祥 日前旋風抵港8小時，只為出席一個慈善機構嘅周年慈善餐舞會。作為活動第一位演唱嘉賓，小豬先以歌曲《幸福囉》為現場炒熱氣氛，再以《戀愛達人》同台下善長人翁握手合照，最後以《愛瘋頭》作為結尾，全場氣氛熱烈、愛心爆棚，更充分展現小豬嘅魅力同對慈善活動嘅支持。

小豬日前旋風式來港參與一個慈善活動演出
而小豬完成表演後就即刻要馬不停蹄趕返台灣，參加台東振興觀光演唱會。雖然行程緊湊，但行善至上嘅小豬就覺得，只要可以幫助到更多基層朋友，自己再奔波都「沒關係」。 當晚出席晚會嘅善長人翁粒粒巨星，包括胡鴻鈞（Hubert）、應屆香港小姐冠軍倪樂琳、亞軍梁嘉莹、季軍楊梓瑤、羅天宇、戴祖儀、羅啟豪、何伊婷、鄭衍峰、陳祖兒、黃百嗚、何麗全等。
胡鴻鈞亦有參與，仲近距離欣賞魔術表演

充滿善心嘅 Hubert表示要為善不甘後人，娛樂圈中人更係經常「取之於社會，用之於社會」所以佢可以出一分力幫助有需要人士，係一件非常有意義嘅事。因為晚會晚活動主題係《希望魔法之夜》，Hubert 更被魔術師Jeff 邀請示範魔術，完成表演後，Hubert都話感到好神奇，做好事、善事就同變魔術一樣，係「愛的魔法」，任何人唔駛訓練都可以將呢個魔法變出嚟。

羅啟豪亦係呢日嘅表演嘉賓之一