萬千星輝賀台慶｜福祿壽惡搞老闆唔怕得罪高層 中聲聲夢家族配合劉美君演出

11月19號係台慶嘅大日子， 王祖藍 阮兆祥 李思捷 蔡思貝 羅毓儀 鄺潔楹 同 丁子朗  加上 謝嘉怡  陳楨怡 同 郭柏妍 仲有  周吉佩 羅啟豪 古淖文 龍婷 支嚳儀 等一眾藝人齊集電視城為《萬千星輝賀台慶》綵排，祥師兄話「福祿壽」每次都絞盡腦汁給予觀眾驚喜，今次思捷仲會大膽挑戰扮老闆，笑言唔知會唔會得罪人。

福祿壽先旨聲明會惡搞老闆
謝嘉怡  陳楨怡 同 郭柏妍 係2020年度香港小姐三甲，今次佢哋再次重聚演出，心情特別興奮，Rosita覺得大家走埋一齊四年前嘅感覺返晒嚟，亦好似記錄住佢哋一齊作長，好開心可以代表港姐環節演出。而Yuki同Judy嘅表演都相當有驚喜，佢哋會聯同江嘉敏同林凱恩重現EYT經典四朵金花，訪問時Yuki同Judy仲即場獻唱幾句似模似樣，Yuki更議當晚設一個觀眾投票，投選四人扮演緊邊個，同邊位扮得最神似。兩人現時有啲擔心江嘉敏情況，因為對方眼晴不適，未能參綵排，希望台慶佢可以平安歸隊。
Judy同Yuki將會扮演經典嘅四朵金花

丁子朗除咗同《亞洲超聲團》嘅隊友演出外，佢仲會同朱敏瀚、阮浩棕等參與表揚經典古裝節目環節演出，丁丁會表演耍功夫，混入跳舞元素令佢更易掌握，相反朱仔就覺得本來打功夫還好，但一加入音樂就令佢好擔心。
超星團成員將集合演出

中聲家族嘅 周吉佩、羅啟豪 古淖文 龍婷 支嚳儀 等會夥拍中聲1、中聲2、中聲3以及兩代《聲夢傳奇》學員加上大前輩劉美君表演一場大型歌舞，聲勢浩蕩。Venus會負責唱菲律賓歌，為咗融入演出佢每日都同工人姐姐溝通，感覺都好神似。

中聲成員當然亦都會參與

《萬千星輝賀台慶》紅地氈現場直擊 星期二傍晚 18:15 TVB娛樂新聞台 網上直播《萬千星輝賀台慶》星期二晚 20:15 翡翠台 現場直播