TVB台慶丨譚輝智讚《中聲3》舞技超凡 阮浩棕林正峰曬剛陽味揭序幕

11月19號係TVB台慶大日子，一眾藝員歌手密鑼緊鼓排練，其中三季嘅《中年好聲音》唱將，同兩屆《聲夢傳奇》聯合演出，為台慶夜營造熱鬧盛大氣氛，呢日綵排逼爆整個排舞房。

《中聲》唱將喺台慶將會同《聲夢》合作演出
《中聲2》譚輝智面對《中聲3》朋友，已升呢做師兄，不過佢自認係《聲夢》冼靖峰嘅後輩，譚輝智讚《中聲3》朋友仔舞技超凡，令佢感到壓力。
Archie同Janees亦都有份參與

今次中聲同聲夢家族聯合唱跳之外，仲挑戰以多種語言獻唱，陳俞霏話大家一定估唔到，叫大家一定要睇啦！黃洛妍同李佳就話佢哋要寫晒啲拼音去練，而羅啟豪笑指已習慣跳唱。
Plan V亦都會同其他藝員合作演出

阮浩棕、林正峰及李紹堅等新晉男藝員為序幕排練，仲請到著名排舞師Sunny Wong設計舞步，將經典武俠劇元素喺舞台呈現，綵排時已剛陽味十足，非常有氣勢！而《聲夢2》自發組成嘅清唱組合Plan V聯同藝員合作一齊大騷演奏實力。