《中聲2》組女團MISSY十二月開騷 陳俞霏預告音樂有新突破

《中年好聲音2》戰友陳俞霏、陳芊芸、王玥、林思彤及陳譽文換上全新形象，組成中年女團MISSY，將喺12月開騷，呢日舉行宣傳活動大曬中年魅力！
MISSY 將會喺 12月開騷。
王玥笑指影海報嗰日對自己全新形象有啲接受唔到，陳俞霏覺得自己造型冇咩變化，最大改變就係陳譽文，以前走溫柔風格，而家就呈現性格爽朗一面。
MISSY 同 fans們玩遊戲。
一班戰友顏米羔、譚輝智、劉威煌、梁浩賢、尹新杰、甘永傑等有到場支持，陳俞霏預告佢哋喺音樂上有好大突破，有唔同嘅才藝表演，大會更為陳芊芸同陳俞霏兩位壽星送上生日蛋糕慶祝生日，陳譽文得知好姊妹生日願望就係演唱會大賣成功，令佢覺得好感動，陳譽文講嗰陣都有啲眼濕濕。