顏米羔蘊釀三十年開騷夢想成真 梁浩賢成肌肉擔當代表派福利

《中年好聲音2》𧗠生嘅男團「輕鬆啲」一直有唔少捧場客， 其中四子劉威煌、顏米羔、甘永傑同梁浩賢正式宣布會開音樂會，雖然個騷籌備時間唔夠一個月，但四位兄弟同心協力，好快就計劃好主題及歌單，真係行動迅速。米羔仲話開騷一直係佢最大心願，早喺三十幾年前已經蘊釀呢個想法，所以當接到電話知道有機會開騷時，即使未落實，已經同班兄弟傾好各自度橋，到一確定就已經有晒整個計劃。

梁浩賢、顏米羔、劉威煌 及 甘永傑。

作為男歌手開騷操肌已經係例行工事，今次肌肉擔當估唔到落喺梁浩賢身上，搞到佢依家鬼咁緊張，係飲食方面要作出好大調節。米羔更大爆浩賢曾經係一個表演上騷過六舊腹肌嘅完美體態，當時激減咗廿幾磅，希望今次可以壯態回勇。
劉威煌與顏米羔。
今次開騷四子會各自有SOLO舞台，米羔十年前創作嘅歌曲仲有機會出土重新演繹唱俾米粉聽，佢話自己聽返首歌都好感動。甘永傑就話平日自己係一個好難會喊嘅人，好驚今次會被觸動一發不可收拾，會好好拿捏情緒。
四子一齊開騷。