沈宗賢首度在港搞大型生日會 被中聲家族及宗粉愛心打動

《中年好聲音2》嘅馬來西亞選手沈宗賢Sean，比賽後大馬香港兩邊走，繼續發展歌唱事業，Sean透過比賽唔單止認識咗一班新朋友，更喺香港建立咗「宗粉」，呢日佢人生首次喺香港搞生日會，筵開8席同好友及粉絲慶祝42歲生日。中聲評審張佳添、伍仲衡同周國豐，仲有支嚳儀、涂家堯、丁文俊、尹新杰、黑妹李麗霞等都有嚟到賀。呢晚Sean都有唱歌演出回饋粉絲，一眾嘉賓們亦有獻聲搞氛氣，好似小型音樂會咁，場面熱鬧。

IMG_20241116_213323.jpeg
由於今次係Sean首度在港搞大型派對慶牛一，所以佢特別感慨表示：「今年生日有啲唔同，小弟第一次在香港呢個咁美麗的城市慶祝生日，其實打從出嚟社會做嘢每年生日都在Pub工作娛樂客人，對生日工作已經麻木了，但今年好唔同，第一次feel都生日原來可以好開心。」原來生日會係由Sean媽媽一手籌劃，所以佢特別點名感激媽媽安排，以及非常有愛嘅中年好聲音大家庭，最重要當然係要多謝一班「宗粉」。迎接人生新一頁，Sean希望42歲來個不同人生，繼續努力保持初心。

今年慶祝大活動原來仲係Sean媽媽為佢籌備

唔少中聲班底都有到場參與